Psa 16 | VulgJ | STEP | oratio David exaudi Domine iustitiam meam intende deprecationem meam auribus percipe orationem meam non in labiis dolosis oratio David audi Deus iustum intende deprecationem meam auribus percipe orationem meam absque labiis mendacii

Psalms 16

1 oratio David exaudi Domine iustitiam meam intende deprecationem meam auribus percipe orationem meam non in labiis dolosis ^va 2 de vultu tuo iudicium meum prodeat oculi tui videant aequitates ^va 3 probasti cor meum visitasti nocte igne me examinasti et non est inventa in me iniquitas ^va 4 ut non loquatur os meum opera hominum propter verba labiorum tuorum ego custodivi vias duras ^va 5 perfice gressus meos in semitis tuis ut non moveantur vestigia mea ^va 6 ego clamavi quoniam exaudisti me Deus inclina aurem tuam mihi et exaudi verba mea ^va 7 mirifica misericordias tuas qui salvos facis sperantes in te ^va 8 a resistentibus dexterae tuae custodi me ut pupillam oculi sub umbra alarum tuarum proteges me ^va 9 a facie impiorum qui me adflixerunt inimici mei animam meam circumdederunt *super me; ^va 10 adipem suum concluserunt os eorum locutum est superbia ^va 11 proicientes me nunc circumdederunt me oculos suos statuerunt declinare in terram ^va 12 susceperunt me sicut leo paratus ad praedam et sicut catulus leonis habitans in abditis ^va 13 exsurge Domine praeveni eum et subplanta eum eripe animam meam ab impio frameam tuam ^va 14 ab inimicis manus tuae Domine a paucis de terra divide eos in vita eorum de absconditis tuis adimpletus est venter eorum saturati sunt filiis et dimiserunt reliquias suas parvulis suis ^va 15 ego autem in iustitia apparebo conspectui tuo satiabor cum apparuerit gloria tua

^va